ليه الأمهات بتقول "جاك موّ" لو انت ولد و "جاتك موّ" لو انتي بنت!
الموضوع بدأ زمان بـ"جاتك حمّى" "جاتك مصيبة تاخدك" وتطور لـ"جاتك نيلة" والنيلة ده عشب بيطلع في النيل ولونه كحلي وبيعمله منه الصبغات عشان الهدوم وعشان لونه أزرق اسمه النيل او يمكن هي اسمها نيلة عشان حوالين النيل.. المهم اتطورت "جاك مو".. وأخيراً لـ"جاك بوّ".
لو البوّ طول معاك فانت اكيد سمعت.. جاك (جاءك) بوّ أما يلهفك!
ولو الحاج مفوّه ممكن يقولك "جاك بوّ أما يلهفك ويشتّحك"
الموّ كلمة مش موجودة في العربي بمعناها الاصطلاحي في مصر.
في (مو) بمعنى لا، أو (مش)..
بس (بوّ) في العربي معناها الجمل الصغير-وده حاجة حلوة مش وحشة إلا لو كان ناوي "يشتّحك"-.
في الصعيد... النسوان بتقول (بوو) على أساس ان في مصيبة..هل ممكن يكون متعلق بالبوم مثلاً!
ممكن!
صوت البوم لو اتكتب هيكون حاجة قريبة من كدا.
ممكن يكون متعلق بالعديد -الى هو تعداد محاسن الميت والندب عليه- وممكن يكون ليه جذور فرعونية.
بس (برضة) -الى هي كلمة مصرية قديمة زي أوضه وأوطه- ما عرفناش أيه أصل (الموّ)
ممكن يكون الموضوع كله على بعضه لزوم القافية
-ماما! ماما! ماما!
-جاك موّ! عاوز أيه؟
لأن في كمان جمل بتتقال في الظروف الى زي دي ورغم انها معبرة إلا انها بتتقال معظم الوقت بسبب القافية.
زي "رُد!، ردت الميّة في زورك"
أو "نام، نامت عليك حيطة"
لكن ست الحبايب تقول الى هي عايزياه،، كفاية انها بتقولك مع السلامة قبل ما تقفل الخط على الموبايل.. مش زي الحج الى بياخد غرضه ويقولك طيب وبعدين تسمع الصفارة المتينة.
الموضوع بدأ زمان بـ"جاتك حمّى" "جاتك مصيبة تاخدك" وتطور لـ"جاتك نيلة" والنيلة ده عشب بيطلع في النيل ولونه كحلي وبيعمله منه الصبغات عشان الهدوم وعشان لونه أزرق اسمه النيل او يمكن هي اسمها نيلة عشان حوالين النيل.. المهم اتطورت "جاك مو".. وأخيراً لـ"جاك بوّ".
لو البوّ طول معاك فانت اكيد سمعت.. جاك (جاءك) بوّ أما يلهفك!
ولو الحاج مفوّه ممكن يقولك "جاك بوّ أما يلهفك ويشتّحك"
الموّ كلمة مش موجودة في العربي بمعناها الاصطلاحي في مصر.
في (مو) بمعنى لا، أو (مش)..
بس (بوّ) في العربي معناها الجمل الصغير-وده حاجة حلوة مش وحشة إلا لو كان ناوي "يشتّحك"-.
في الصعيد... النسوان بتقول (بوو) على أساس ان في مصيبة..هل ممكن يكون متعلق بالبوم مثلاً!
ممكن!
صوت البوم لو اتكتب هيكون حاجة قريبة من كدا.
ممكن يكون متعلق بالعديد -الى هو تعداد محاسن الميت والندب عليه- وممكن يكون ليه جذور فرعونية.
بس (برضة) -الى هي كلمة مصرية قديمة زي أوضه وأوطه- ما عرفناش أيه أصل (الموّ)
ممكن يكون الموضوع كله على بعضه لزوم القافية
-ماما! ماما! ماما!
-جاك موّ! عاوز أيه؟
لأن في كمان جمل بتتقال في الظروف الى زي دي ورغم انها معبرة إلا انها بتتقال معظم الوقت بسبب القافية.
زي "رُد!، ردت الميّة في زورك"
أو "نام، نامت عليك حيطة"
لكن ست الحبايب تقول الى هي عايزياه،، كفاية انها بتقولك مع السلامة قبل ما تقفل الخط على الموبايل.. مش زي الحج الى بياخد غرضه ويقولك طيب وبعدين تسمع الصفارة المتينة.
تحفه
ردحذف